,,,اطول قصيدة غدر,,,

بسم الله الرحمن الرحيم
هذي اطول قصيدة عن الغدر
ومعاه الرد

القصيدة تقول :
لا ردك الله لا ولا اطلب تردين،،،،ادعـي عليـك بعثـرة فـي صلاتـي
عثره تشلك ما بعدهـا تقوميـن،،،،يـا قاتلتنـي يـوم صرتـي حياتـي
خدان لك بالقلب كانت بساتيـن،،،، وريضـان وغصونـا بهـا يانعاتـي
كنتي مناة القلب والـروح والعيـن،،،،واليـوم عينـك يعلهـا مـا تباتـي
كنت أحسبك للعهد والحب توفين،،،،قلتـي الغـدر بالحـب ماهـي بسواتـي
وحلفتي يمين الله مـا منـك اثنتين،،،،وانـك مـلاك دون كـل البناتـي
وانك على عهد المودة تسيرين،،،، ولا تسمعيـن أهـل الحسـد والوشاتـي
وصار اليمين ستار خلفه توارين،،،،ورماح غـدرك بالخفـا مشرعاتـي
وبان الغدر سم جـرى بالشراييـن،،،،الله عسـى يسقيـك سـم الفعاتـي
كلي سقيتك حب واليـوم تنسين.،،،،تقوليـن حلـم ايـام واليـوم فاتـي
خذتي الهوى لعبه على ما تحبين،،،،ليـن عصفـت بالهـوى عاصفاتـي
من زينك يا بنت بالشعر تزيين،،،،من صورك بابياتـه الطايلاتـي
انا من غرامي قلت كانك تذكرين،،،،قلت الخجل صاب البدر من مناتـي
وصرتي بشعري في العذاري تباهين،،،،تقولين انا شمس العصر فـي حلاتـي
زينتك بشعري ولا غربك الزين،،،،ما زانتك صبغات حمـر الشفاتـي
صورتك بالشعر حزام ورياحين ،،،،واثرك هضاب وشوك ما بـه هداتـي
رسمتك سحابه خير قطر تنفين ،،،،فزت لك الصحراء زهـور ونباتـي
رسمتك مهاه للجميله تقودين،،،،واثرك قطيعه وضيعتهـا الرعاتـي
واثرك غراب يوم سدل الجناحين،،،،كنت احسب اني شايف لـي قطاتـي
بالشعر غليتك على كل غاليين،،،،واثرك دنيـه وتعشقيـن الدناتـي
وبالشعر عاتبتك عتاب المحبين،،،،انا من يسوم الروح لك يـا غناتـي
توسلت لك خايف على حب عامين،،،،عامين لكن فـي حسابـي مئاتـي
ناديت لكن لي ابد ما تسمعين،،،،عمري وروحي فكري فـي ثباتـي
حذراك للشينات عمري تماشين،،،،عديمات اصل اخلاقهن دانياتـي
غاب الولي عنهن ولعبن بحبلين،،،،يا خس واليهن وخس الولاتي
ما همهن في الناس زين ولا شين،،،،وقلوبهن من حقدهـن مظلماتـي
وقلتي وربك لو يكونا ملايين،،،،ما غيرن بالطباعهن من سماتـي
تحسبين انك بالمهافه ترقين،،،،كيف الصعود يكون للهاوياتـي
وخنتي وبعتي كل عهد وايامين،،،،ما عاد يفرق بين ماضـي واتـي
وصرتي مثل غيرك برخص تبيعين،،،،يا مرخصتني ما بقى لك غلاتي
صبري نفذ واليوم ثارت براكين،،،،مظلوم انا وباكر تحل ادعواتي
سمعي عسى من بعدها ما تسمعين،،،،سمعي دعا من صـار قلبـه حصاتـي
ادعي عسى من ناضرك ما تشوفين،،،،وتطحن بك الايام طحن الرحاتـي
وعساك عوق منه ما عاد تبرين،،،،عوق تشافق له قلوب العداتـي
ويالله عسى يحتار فيك المداوين،،،،تبين الممات ولا يجيـك المماتـي
ويالله عسى كف الندامه تعضين،،،،تندمين يوم انه يفوت الفواتـي
وتبكين دم يسيل من مقلة العين،،،،وتحتار امك عن عناك وتحاتـي
عسى ما تلاقي من له القلب تهدين،،،،وان حصل ادعي عسـاك الشتاتـي
يا بلوة اللي وسط بيته تعيشين،،،،ساهي وحوله شب جمـر الغضاتـي
عسى بعمرك ساعه ما تهنين،،،،وتمضي حياتك بين هم وشقاتـي
يا بنت قلبي وين مثله تلاقين،،،،قلبا عطاك الحب ما قال هاتي
جيتك وروحي شلتها لك بكفين،،،،وفي التاليه رمح الخيانه جزاتـي
يالله عساك النار يا أم وجهين،،،،كله انكشف لا ما تفيد العباتـي
ويالله عسى تلبسك جن وشياطين،،،،وتكونيـن مدعـاة الحكـي والشماتـي
يا حيـة رقطـا تقـود الثعابيـن،،،،باكـر تحـن ايامـك المعتماتـي
وباكر على فعلك بمثله تجازين،،،،ظلم المشاعر ما تحكمه قضاتـي
بيني وبينك تحكم ايام وسنين،،،،وانا شاهدي قلبا من الغـدر ماتـي
ويا دمعة التمساح لالا تذرفين،،،،العيون رغم ادموعها كاذباتـي
لا ما عرفتي الحب لا ما تحسين،،،،وغدرك تعدى غدر ذيب الفلاتي
الذيب يعوي قبل يغدر بمسكين،،،،وانتي غدرتي خافقـي فـي سباتـي
لو كان غدرك في كفوف الموازين،،،،لكـان رجـح كـل غـدر البناتـي
انتي السبب سقتي على القلب جرحين،،،،غدر الغرام وموجع الذكرياتـي
وانتي السبب واليوم لالا تلومين،،،،وان جاك باكر شوفي اشلـون يأتـي
والله لاكتب وافضحك في دواوين،،،،وارقص واغني يوم خبر الوفاتـي
وارسم لاهل العشق قلبا وسهمين،،،،وقصة خيانه ما روتها الرواتـي
ويمين لانشر فوق اسمك عناوين،،،،واشهرك من قاصي اليمن للفراتـي
ومن غرب هالدنيا الى قاصي الصين،،،،ديوان غـدر فيـه كـل اللغاتـي
والبادي اظلم سنة العين بالعين،،،،والا فذي لا عادتي ولا صفاتـي
ويا شبه انسانه برأس ورجلين،،،،اعوذ بالرحمن منـك بصلاتـي

وهذا ردها القوي بعد :
لاردنـي الله ولاردك انـت ياشيـن......وادعي علي باللي تبـي بالصلاتـي
ادع وتذكر ان الاصل في الحياه دين.....ديـنٍ قديـمٍ لابـد لـه يـوم ياتـي
دينٍ حماتـه وبـأرده اليـوم دينيـن......دينٍ على غـدرك وديـن الوشاتـي
انت بديـت وسنـه العيـن بالعيتـن......واسمـع ردود أبياتـك الطايلاتـي
وين الرياض و وين هاك البساتيـن......والا حروفـك بالشعـر سابقـاتـي
أنا الهنوف وبس , مامثلـي ثنتيـن.....وأنـا مـلاك دون كـل البنـاتـي
بنت الرجال أطيابها مـن رياحيـن......طبعي كريمة مـا أخـاوي الدناتـي
ماهمنـي لا لبـس ولازود تزييـن.....أنـا المهـا مابيـن قطـع المهاتـي
لو النخل قـدرت تهـزه الخماسيـن....جذع النخل مثلـي بعـزي وثباتـي
ولو كان حبي في كفوف الموازيـن......لكـان رجَـح حـب كـل البناتـي
بس انت ناكـر نعمـة رب هالديـن.......والا الغـدر لا عادتـي ولاصفاتـي
وين العهد ويـن الوعـد والأياميـن.....وين الوفا والشوق.. ضاعت حياتي
صار الوفا سلعه ببعـض الدكاكيـن....ونباع معه اخـلاص بعـدة مئاتـي
بالحب نخلص وللعهد خيـر وافيـن.......وترى الغدر والكذب ماهي بسواتـي
قالو تحبه ؟؟ قلت وينه وأنـا ويـن.....أصون حبه ومـادرى عـن عناتـي
أهل الوفا بالحـب صـاروا قليليـن.....والخوف كله لاغـدوا فعـل آتـي
اسمع كلامي وقلب أردى الموازيـن.....تعـرف ضحيـة حبنـا والجناتـي
كني غرابٍ فانـت لـي الجناحيـن.....ألوانهن من لـون سـزد السواتـي
هقيتك غزالٍ يـوم يرفـل برجليـن......وأثرك قويـدٍ تـاه عنـه الرعاتـي
تضحك على العاشق وتلعب بحبليـن.....تعوي وتغدر مثـل ذيـب الفلاتـي
ذيب الفلا انت وأنا كنـت ......... والذيب له من حسن فعلـه سماتـي
الذيـب فطـره لاغـدر بالغافليـن.........اما انت لعبك والغـدر فيـك ذاتـي
وسموم غدرك جاريـه بالشراييـن.......سـم الأفاعـي مـا يشـوِه حياتـي
حبك سرق من كل العمـر عاميـن......عاميـن قفـر وأيامهـن مظلماتـي
اسمع دعا كـل الضلـوع المغابيـن......عقب الصياح وعقب كـل الأهاتـي
أدعي عساك الطمس مع طامس البين....وتصبح حياتك بيـن هـم وشقاتـي
وعسى الليالي ماتمـد الجفـن ليـن......تحـرم عيونـك ذوق لـذ المباتـي
وتفقد سموعك ثـم تلحقهـا العيـن.......وتصير عايش في جحيـم الشتاتـي
ويالله عسى يحتار فيك المـداوي،ن وأمك تنوح ومعهـا كـل الخواتـي
وتشفق على حالك قلـوب المحبيـن........والأهل والجيران وحتـى العداتـي
ومن الندامه تصفـق يسـار بيميـن.......ياليت ما كـان الغلـط والجزاتـي
وتموت ثم تنقـاد بأغـلال سبعيـن.....لامـن شفيـع ولا تنـال المماتـي
تآكل من الزقوم رووس الشياطيـن....مقرون مع فرعون وباقي العصاتـي
بنـار قويـه ماتـعـادل براكـيـن........وجمر السمر ولا لهيـب الغضاتـي
هذا جزى من يرمي الناس بالطيـن.....بيته زجاج ,, وناسي ان بـه بناتـي
يالله حسيبك زوَدت جرحي جرحين......غدر الغـرام وزايـف الشايعاتـي
والثالثـة لابـد تعرفـهـا الحـيـن.....هي في الحقيقه .. مؤلم الذكرياتـي
انت شعـار للغـدر انـت سكيـن.....انت ورقـه سـوده بدفتـر حياتـي
بيني وبينك تحكـم سنيـن ودينيـن.....جزى الخيانة مـا تعرفـه قضاتـي
ارقص وغنِي وانبسط يـوم واثنيـن......ظلـم المشاعـر مايـروِح هباتـي
واكتب وسطِر وافضحن في دواوين.....عمر الرخم مافـز منـه القطاتـي
وارسم لأهل العشق سهـمٍ وقلبيـن.....قلوب العذارى وسهومك المشرعاتي
خل اليمن والهند ومن عقبها الصيـن......وأهل الخليج وأهل نهـر الفراتـي
تعرف تفاصيـل الغـدر والعناويـن......لقصـه خيانـه ماروتهـا الرواتـي
ولاعاشها من قبل انـس وشياطيـن.....ولا انطـرت بلسـان أي اللغـاتـي
هذي الحقيقـه دون زيـفٍ وتلويـن......تنكر كلامـك , لايفـوت الفواتـي
ولاشبيـه انسـان لكـن بوجهـيـن.....جرحك كبير وحبـك اليـوم ماتـي
واختم كلامي بقول يـارب و آميـن........انـت عليـم الغيـب والخافيـاتـي

اختبار فحص النظر هههههههههههههههههه 1 2 3
شرايكم ردو روحي بالردود

تسلم اخوي خط الاحلام

الشعر جدا جميل وصراحة قوي والرد اقوى

انا سامع المقطع الاول صوت بس المقطع الثاني الرد ماسمعته صراحة بس بعد حلوه قوي جدا

تسلم

غـــــــــــــــــــــدار
ما كنت اعرف انك مجامل ومكار
حتى مع الايام بانـت حقيقتـك
ولقيـتـك منـافـق وغــدار
تظهر لنا حبك وتبطن عداوتـك
أول عليك أخاف بالحيل واغـار
اشقى على نفسي وادور سعادتك
واليوم مالك داخل القلب مقـدار
من بعد ما بانت حقيقة علاقتـك
يكفي ليالي عشتها معك محتـار
ما كنت اعرف انك تدبر مكيدتك
واهلاً وسهلاً كل ما جيـت زوار
إلا المحبـة مستحيلـة محبتـك

الله يسلمك صديقي
يعطيك العافية

يعافيك خط الاحلام ما ادري خط صلاله

الشكر موصول لك يا خط السريع , قصيدة حلوة , لكن ما قريتها كامل

الله يخلي قريبا

مشكورين عالمرور
بس ياريت لو كل واحد يقول الاسم زين
عشان تكزن القلوب صافية

تحياتي::

اسمح لنا خط الاحلام بس حبينا نمزح معك

شكلك عصبي اهم شي السكاكين ضامينهن تو عن تلوح علينا بشي من السكاكين

افا عليك صديقي عادي مافيها شي
انا ماعصبي هادي

صح لسان كاتبها وناقلها

واايد قصيدة روعة بالجمال والابداع

اخوي خط الاحلام انت مبدع

يعطيك العافية

لك مني تحية معطرة باريج الورد والزهر

عيون المها

تسلم خط يد اوووف كله انسي اسف خط الاحلام

ما شاء الله عليك خط الاحلام

انت بجد مبدع وفنان

عيني عليك باردة

اخوك وليد القاسمي

» عمت صباحا ً ايها الضمير .. ما اطول ما نمت !!
» قصيدة للأم
» قصيدة حب خطيررررررررره
» قصيدة الخيانه
» كل دقة فيني لك قصيدة