مواصفات شباب البحرين

مواصفات شباب البحرين

شباب المحرق:

مصنع الرجال ذووق وكشخه
وحلاوة روحهم مثل حلوة المحرق كل ما أكلت منها تببي تاكل زوود يتميزون بكلامهم ال ..(( خخخخ لا تعليق ))
الحرف يمدونه سبع أمتار ومصطلحات مالها أول ولا آخر ههههههه
( شنقايل ((الماااارسه=المدرسه))
ويا ويلك أذا أنت رفاعي ومار صوب نادي المحرق
وفريقهم ماخذ بطوله ، المسكين يتشهد على روحه ( وعلى الدنيا السلام)
يموتون في ناديهم
أما عن بناتهم مافوقهم فووق
ينظرب فيهم المثل ..أحلى بنات البحرين بنات المحرق وبناتهم ملكات جمال
شنو رقه وشعر وبشره وبياض ماشالله وأغلبهم دلايع <<<احم احم فديتنا ههه

شباب الرفاع :

بعد يتميزون بلهجتهم (يووووز عااااني كيوتووووه لووو آآسااااطرووك))
لو = لا
غالبيتهم عصبيين وكل يبون يتهاوشوون وصبيان مدارسهم كل سجاجين في مخابيهم
وكل يوم هوشه بالهده أما عن بناتهم بعضهم جايفين روحهم وايد
وعلى شنو ما تدري وفي منهم اللي مووت موووت جميله وفي منهم السمراوات ،
ومايميز بنات الرفاع عن غيرهم تفوقهم الدراسي وحصولهم على أعلى
معدلات النجاح والتفوق في الدراسه على مستوى البحرين.
<<<< وعندهم فريج صوب الحنينيه على ما اظن ماعرف أسمه ماتقدر أجوف أحد بالليل ، الا بالنهار

شباب سنابس:

شباب سنابس غالبيتهم مستقيمين و و و...
بس مثل ما يقولون كل ديره ولها مقبره ،الشباب الثانيين كل في الحوط
ويحــ.... و(عشان ما يروح دمي هدر) ماقدر أكتبها ههههههه .
و شباب سنابس أكيد عارفين شنو أقصد..

شباب كرزكان:

ما يميز هالقريه وشبابها أنهم في كل شي متحدين
في كل شي ونادر ماتلقى حد يكره ولد ديرته..
ولين قرروا يسوون أعتصام أو مسيره ماتجوف لا صبي ولا ياهل قاعد أبيته
أول الناس (شبابهم وبناتهم) وحتى العيايز تلقاهم ملتفين حول بعض.
وبناتهم أكثريتم متان ودببه هههههههه وفيهم ملكات جمال بس من يقدر يمر صوبهم خخخخخخخ
راحت عليه اللي يفكر يعاكس بنات كرزكان مايطلع من الديره صاحي ههههههه.

شباب سترة :

عيني عليهم بارده، الشجاعه صوبهم
وكل الناس ترقد حزة الظهر الا الستاروه، هياته في هالشمووس
ذبحتهم البحر وتربية الحمام و يحبون الضحك والغشمره
وخفاف دم وينحبون وبسيطين لي أبسط ماتتصورون و اقعد يم ستراوي يخليك كلش تتدحن و انته تضحك
ولهجتهم مميزه (( الأچل اللي أچلتونه چله بچم))
(بسهل عليكم الجمله السابقه حرف الجيم = ك )هههههههه
وبنات ستره يعجبونك (للي يطمح الى السعاده الأبديه)
عندهم مثل متداول بتخسر الرومانسية اذا ما حبيت ستراوية )....
عاد لا تقربون صوبهم وايد سلندر واحد يفي بالغرض هههههه

شباب الحد :

الله على أيام الأول وين السيم والسيف .
الحد معروف عنها أنها أخر منطقه بالبحرين
يعني مكان ما أبليس ضيع ولده خخخخخخخ
يشتهرون أهل الحد بحبهم لأكل القباقب والخثاثيق والينم
عاد أنا ودي أتكلم عن شبابهم ..
بس وينهم ؟؟ وين يتيمعون أو وين يتلاقون ..الله العالم
لا في فريج ولا في نادي ولا في مآتم (أو نسيت ماعندهم مواتم ) خخخخ .
أغلبهم (( مخديين ))
والله على ما أقول شهيد <<<<<غـشـمره

شباب المنامة :

شبابهم مثل بناتهم حلوووين ورزه وكشخه. وطيبين اللي يخليك في حيره ..لمى تدش المنامه تلقى كل الأطياف هناك..
الهنود والفلبينيين والأثيوبيين
والمصريين والأيرانيين وأي دوله أتيي فبالك ..
وين البحرينيين !! تعال دورهم ..
أما البيوت والعمارات .. لا تعليق .ههههه << مـيـه مـيـه
أما بناتهم يا أنك أتشوفهم آيه في الجمال ومسكتة .... :
أوان حتى كلمة جيكره شويه عليها خخخخخخخخخ عندهم تناقض عجيب غريب
ومشكلتهم المناميين أنهما دلايع وهما يعتبرون نفسهم
أحسن وأحلى ناس بالبحرين وأنهم مب من القرى يعني تمدن آخر حلاوه
ولين تبي تقهر أي منامي قوله يالحلايلي..ههههههههه

شباب جدحفص :

المفروض والواقع يقول أن جدحفص مدينه..
بس المفروض والواقع غير ، لا مبين أن جدحفص مدينه ولا عمرها جافت التمدن
شبابهم واعين وأكثرهم مثقفين وجامعيين..
وذا تبي اتجوف الحركه في المدينه المهظومه تعال يوم الجمعه بتجوف خلق الله
واتحملو شباب اتدشون جدحفص . :
اللي مركب له ست ( سماعات وشغل عدل ) يفكر يطول صوت الأغاني خخخخخخ
بيطلع من عندهم شايل وياه بس زيجايره و ولاعته وبوكه
هذا اذا طلع هههههههه.

شباب جد الحاج:

شاقول عنهم!! شباب جراند فاذر خخخخخخ ؟؟!!
أكيد فيكم الحين من يقره الموضوع توه يدري ان في منطقه بالبحرين بهالاسم
وين اتصير على الخارطه ، مادري وين الله قاطها
شباب جد الحاج مالهم شغل لا بسياسه ولا بغيره
طيبين وحياتهم بسيطة ولا فيهم من الغرور شي
أغلب الشباب : حوطه واسطبلات خيول خخخخخخ
وللحين ما وصلهم شي أسمه موتر سيكل خخخخخ.
واما بناتهم كان الله في العون مع ان الحلا حلاة الروح
أستغفر الله العظيم الجمال( بفتح الجيم ) ما مر ذاك الصوب موليه هههههههه
بس لو فكرت تعاندني وتبي تطعن في كلامي نصيحه لا تتعب روحك.

شباب بني جمرة :

ماشاء الله عليهم
اذا بنتكلم عن شبابهم حلوووين متدينين ومثقفين
ومنهم الفنانين والخطاطين
يعجبوونك حق الترسم على لطوف والجدران خخخخخخ
وذبحتهم أذا تكلمهم في السياسه ههههههه أتصير أحسن واحد خخخخخ
وفي منهم شباب ما يدرون ولا يبون يدرون شاللي يصير بالديره
مشهوره بني جمره بالفخار طبعا خخخخ أقصد النسيج
طيبين زياده عن اللزوم وبسرعه ينقص عليهم خخخخخخخ.
واذا يينه لبناتهم رزينات وحلاوووات ودلاعتهم معقوله، وفيهم من يوزن عقلها جبل

شباب باربار :

وصلنا لأصل حضارة البحرين
مادري من سماها بهالاسم ،يذكرني بمسلسل كارتوني قديم
ويذكرني بكتاب التاريخ على أيام الابتدائي رسمة ابو ( قرون ) ههههههههه.
شباب باربار مشكلة مالها حل
يعني يا أنك اتلاقي ذاك الصبي النور والتقوى يشع من ويهه من كثر العباده..
او تلاقيه ( lovery) هههههه بس كلهم في النهايه يجتمعون
في ميزه تجمعهم بحب وعشق كرة اليد ولون البنفسج.

شباب جدعلي :

آغا جتووري جيكر .جي خبر دلم .. مو خاترت ميخم
..أز دل ههههههه على الله الكلام اللي قلته مايطلع سبيبه هههههه
شباب جدعلي شحلاتهم مافي على لبسهم وذوقهم ،
القصات والحركات الكشووخيه أول الناس أهمه
وما يتحصلون في جدعلي كلششش
بس لين تبي اتجوفهم روح الصاله الرياضيه بالجفير
اذا في مباره سله لفريق المنامه..
بتجوف فازلووهه وريزووه وممدي و( هماتن )
مادري اذا صح يعني كلهم خخخخخ
أما بنات جدعلي waaaaaaw ياعيني يا عيني يا عيني
حلوات بطريقه غير طبيعيه@@
البنت اذا بتطلع وحتى لو رايحه مشوار البراده لازم الميك أب وذاك العطر خخخخخخ ،
رايحه عرس مب براده ههههه من جذي انجوفهم جميلات بمرتبة الكمال .

شباب المدينة :

أيه عليهم صبيان المدينه ..فديتهم
يمكن بكلمتين أوصفهم هههههههههههه
باليس وسطل ماي وباركات جسميز خخخخخخخخخ.
شباب المدينه تلمع في السييايير ليل نهار .
يعني شي عادي يضيع يومه على تلميع السياره
حق طلعة الليل شارع الحب وشارع العدليه..
وفي نقطه مابي حد ياخذها بطائفيه
بس حبيت أعلق عليها كلنا أهل وحبايب والله لا يفرق علينا دووم ..
الميزه الحلوه أنك ماتقدر أتميز الشيعي من السني....
و مشالله ديرتنا متماسكه شيعتها سنتها آآمين يارب وعسى الله لا يغير علينا.

شباب البديع :

البديع الله على سواحل ديرتها ..
يغلب على طابع البديع نقاط سمراء هههههه
يتميزون بسمارة بشرتهم..
يعني شوي من الجسره والزلاق على الرفاع هو نتاج البديع
طيبين بسيطين مالهم حس ومالهم شغل بأحد ..
يعرفون شغله وحده بس في الدنيا (( القوة)) ههههههه
يعني قوة الدفاع 99% نسبة اللي بالجيش .
أما عن بناتهم فأترك لكم حرية التخمين ...

شباب مدينة حمد:

مب قايله لكم الأصل من وين عشان ماتعرفون
مع أن كل اللي ساكنين مدينه حمد ( مجنسيين ) من كل بستان زهره
مدينه حمد حديثه أفتتحت سنة 1984 م.
فمعناته كل اللي ساكنين فيها يايين من القرى والمدن
بس تبون الصج الحق ينقال .. تبون اتجوفون الصياعه على أصولها!!!
حياكم مدينة حمد...
حاصلين على المرتبة الأولى في الصياعه هههههههههه.
بعض من شباب مدينة حمد توه ما بلغ تلقه الزقاره في حلجه
ويمعه الربع صوب البراده وقززز في البنات خخخخخخخ
أما بنات مدينه حمد ماشالله عليهم ياحبهم حق الرياضه
تلقونهم من الدوار الرابع الى الدوار الأخير زحف
رايحه ياييه يعني رشاقتهم ماعليها أي كلام .
ومساكين يالبنات متغربلين من الصبيان متغربلين منهم غرباله ::
غير ذي كل دوار لازم تلقى فيه شي مميز ومعروف وبس ما يصير شسمه هههههههه

شباب المالچية:

ديرة الشجعان والأبطال
بس يا حسرة شبابهم مساكين
أغلبيتم طالعين من أول أعدادي
أضعف الأيمان الثانوي بعدين تتوقف عجلة الزمن عندهم
وشباب المالجيه كلامهم كل عن الكوووره والنادي والمنتخب
غير يمعتهم على شارع اللي يودي دوار 14
كل ليله جمعه
مسووين هالشارع حلبة البحرين وخذ عاد تحدي الشباب
أحلى شي بالمالجيه المرتفعات اللي بالشارع الرئيسي ..
عادي ونت ياي مسرع بسرعة 50 وتشقح المرتفع ولاتحس بشي ههههههه
وبنات المالجيه وعليه ...
أهوه من الأساس فيها بنات؟؟
جاووبوني يالملجاويه هههههههه
الديره مترووسه عياييز الله يحفظهم وما يدورون مشيتهم الا صوب الشارع العام..

شباب الرفاع :

بعد يتميزون بلهجتهم (يووووز عااااني كيوتووووه لووو آآسااااطرووك))
لو = لا
غالبيتهم عصبيين وكل يبون يتهاوشوون وصبيان مدارسهم كل سجاجين في مخابيهم
وكل يوم هوشه بالهده أما عن بناتهم بعضهم جايفين روحهم وايد
وعلى شنو ما تدري وفي منهم اللي مووت موووت جميله وفي منهم السمراوات ،
ومايميز بنات الرفاع عن غيرهم تفوقهم الدراسي وحصولهم على أعلى
معدلات النجاح والتفوق في الدراسه على مستوى البحرين.
<<<< وعندهم فريج صوب الحنينيه على ما اظن ماعرف أسمه ماتقدر أجوف أحد بالليل ، الا بالنهار
.... الرفاع ....

غالبيتهم عصبيين وكل يبون يتهاوشوون وصبيان مدارسهم كل سجاجين في مخابيهم
وكل يوم هوشه بالهده أما عن بناتهم بعضهم جايفين روحهم وايد

ههههههههه
صح كلامك اخوي قريبا

ومايميز بنات الرفاع عن غيرهم تفوقهم الدراسي وحصولهم على أعلى
معدلات النجاح والتفوق في الدراسه على مستوى البحرين.

احم احم اكيد بناتهم متفوقات بكل شئ انا منهم اكيد هههههه
شااكره لك اخوي قريبا على طرحك الرائع عنا البحرين

وعندهم فريج صوب الحنينيه على ما اظن ماعرف أسمه ماتقدر أجوف أحد بالليل ، الا بالنهار

لا هذا كان اول الحين الانوار على الشارع
ههههههههه
يكفي نوري بالبحرين ههههههههه

اشكرك ياالدب قريبا على موضوعك الرائع
عيون المهاااااااااااا

ههههههههههههه

العفوو اختي بنت البحرين ان شااء الله عجبك المووضوووع

قالت متفوقاات قاالت هع هع هع

اسعدني تواجدك الطيب اختي الدبه عيون المهاااا

قالت متفوقاات قاالت هع هع هع
ههههههههههههه
اعترف انني مو متفوقه امام الكل يلا اعترف
ههههههههههههههههه
اشكرك يااخوي الدب قريبا
عيون المهااااااااا

العفوو اختي لا انتي متفوقه اختي ورااح تعزمينا كلنا على الفطوور بمناسبة التفوق عااد ههههه شوو رايك ههههه شو قلتي متفوقه وله بتغيري رايك الحين يوم سمعتي العزيمه ههههه

اسعدني تواجدكي مره اخرى ياا بنت السبلة
متميزززززززززة دائماا بخفت دمك الجميله
يعطيك الصحه والعافيه

اكيد متفوقه ولا ماوصلت الى هذا التميز اللى الكل يشهد لي فيه
من عيوني كلكم معزمون عند بالبحرين حياكم الله البيت بيتكم على العين والرأس
اتشرف فيكم اخواني واخواتي اعضاء احلى منتدى منتدى سبلة صحار
عيون المهااااااااااا

ما تقصري اختي من طيبك وطيب اصلك
باارك الله فيك على بكره بنكون معكم بأذن الله
ههههه

اهلا وسهلا فيكم
انتظركم كلكم
عيون المهاااااااااا

ما تقصري اختي

شكرا لمروك الجميل مره اخرى

العفووووووووووو اشكرك انت على موضوعك لشباب البحرين
بلادي الغالي البحرين
اشكرك من قلبي اخوي قريبا
عيون المهااااااااااا

وأناا لا تنسوني راايحه معكم
أبي أشوف عيوون الدبــه
هههههههههههههه

تشوفي عيوووووووون وله الاكل هع هع هع

اسعدني تواجدك المميز اختي جنااااااان