البوم تذكرتك للمنشد فهد مطر

السلام عليكم ورحمه الله وبركاته


صباحكم ...مساكم فل و ورد

هذا البوم تذكرتك للمنشد فهد مطر
ان شاء الله يعجبكم

الاناشيد مع رابط التحميل [mp3] والكلمات


ترى الذبايح واهلها ماتسليني
كلمات: عابرة سبيل (رحمها الله)




ترى الذبايح وأهلها ماتسليني

انا ادري ان المرض لا يمكن علاجه
ادري تبي راحتي لا يابعد عيني
حرام ماقصرت ايديك في حاجه
اخذ وصاتي وامانه لا تبكيني
لو كان لك خاطر ٍ ماودي ازعاجه
ابيك في يديك تشاهدني وتسقيني
امانتك لا يجي جسمي بثلاجه
لف الكفن في يديك وضف رجليني
ماغيرك احدٍ كشف حسنه واحراجه
ابيك بالخير تذكرني وتطريني
يجيرني خالقي من نار وهّاجه
سامح على اللي جرى مابينك وبيني
ايام نمشي عدل وايام منعاجه
همي عيالي وانا اللي فيني كافيني
علمهم الدين تفسيره ومنهاجه


[ندعوك للتسجيل في المنتدى أو التعريف بنفسك لمعاينة هذا الرابط]



تذكرتك

كلمات: نورة الوليدي




تذكرتك وانا في عالم النسيان

بعد موت اليقين بخنجر الريبة
تذكرتك واحس اني لحد الان
اشوفك شئ واقع صعب تكذيبه
تعال اعاتبك ومعاتب الخلان
الذ من الرجاء واقبح من الخيبه
حبيبي ليه تتركني مع الاحزان
تجاهل وش مصيري وانت تدري به
اذا قلبك قدر يجزيني النكران
ظناك اللي بحشايا ويش اسوي به
حرمته من حنانك والسبب وش كان
كلام الناس لا ياعيبة العيبه
حبيبي والجفاء والبعد والهجران
مصيبه والله ان مابعدها مصيبه
انا مثل الرياض الا ابتعد سلمان
تذوب من النواء لا طوّل الغيبه
حبيبي الحق الباقي من الوجدان
قبل هالشوق تذبحني مخاليبه
ثلاث شهور وانت بلا سبب زعلان
ثلاث شهور واسمك بس اهذري به
تعبت اكون انثى مالها ربّان
ضحيه للحسد والحقد والغيبه
ترى كم ساء بي ظن وحكى بي لسان
بعد ماكان لي من هيبتك هيبه
وانا انثى واعاني لوعة الحرمان
واذا لي عيب واحد عيبي الطيبه

[ندعوك للتسجيل في المنتدى أو التعريف بنفسك لمعاينة هذا الرابط]



ياعين هلي

كلمات: نوره الحوشان




ياعين هلي صافي الدمع هليه

واليا انتهى صافيه هاتي سريبه
ياعين شوفي زرع خلك وراعيه
شوفي معاويده وشوفي قليبه
من اول ٍ خلي الرايه نماليه
واليوم شوفتهم علينا تعيبه
ومن اول ٍ خلي قريب ٍ ونرجيه
واليوم جيّتهم علينا صعيبه
وان مرني بالدرب ما اقدر احاكيه
مصيبة ٍ ياكبرها من مصيبه
اللي يبينا عيت النفس تبغيه
واللي نبيه عيا البخت لا يجيبه

[ندعوك للتسجيل في المنتدى أو التعريف بنفسك لمعاينة هذا الرابط]



ياصاحبي

كلمات: فهد مطر




ياصاحبي ماجات من يمّك علوم

ياعاذليني صاحبي مانسيته
انتم تركتوني وانا اطيح واقوم
اشري ولا ادري ويش شئ ٍ شريته
عيني بعد فرقاك ماذاقت النوم
حتى فراشي عقب رحتوا وطويته
من عقبكم نفسي عن الزاد في صوم
اكل ٍ احبه بعدكم ما اشتهيته
اخاف اموت ولا تقولون مرحوم
وانا مطاوعكم على ماهويته
قالوا علامك قلت مانيب مليوم
من ودك اللي جوف صدري كميته
ياطير ياللي فالسماء تكثر الحوم
ماشفت لي ياطير زول ٍ بغيته
ياطير علمني وخذ مني علوم
قدام لا اكسر عودي اللي حنيته

[ندعوك للتسجيل في المنتدى أو التعريف بنفسك لمعاينة هذا الرابط]





يا شروق الشمس

كلمات: ابراهيم الدويش




ياشروق الشمس يا احساس القمر

يا صباح الخير يا احلى مساء
ياورود زخرفت كل العمر
ياشعور ٍ فاحت اصداءه شذى
زوجتي ياكل حلمي والصبر
ياسعادة بعد ايام الشقى
يابدر او ياقمر لا يابدر
يا احلى اوصاف المحبه والضياء
ايدي بإيدك والحياة بتستمر
نبتسم ثم نرسم الدنيا سوا

[ندعوك للتسجيل في المنتدى أو التعريف بنفسك لمعاينة هذا الرابط]



الملكه

كلمات: ابراهيم الدويش




كم حروف ٍ من حروف القاف تبدى مستهيمه

تنتثر بين الشعور وتنثر احساسه عليها
لاصفت عين المحبه عذربت عين ٍ حليمه
تشعل الليل اشتياق وزودت باقي حطبها
العيون اللي تنادت في ظلام الليل ديمه
مايفرقها جمود ولا يشتتها سهدها
دام سجلنا وعدنا ماتفرقنا عظيمه
دامني ذقت المحبه وذوقتني من شهدها
يوم بدلنا الخواتم والمشاعر بي عليمه
بدلت عروق قلبي ثم شراييني روتها
علقت بالحق خافق وعلقت احلى غنيمه
وعلقت كل الحروف وضاع حرفي في ورقها
لا تسومين المشاعر الله اعلم ياكريمه
انك اغلى من غلاتي وانك الشمس ونظرها
وانك انتي امنياتي والحياة المستديمة
والنجوم اللي تعالت انتي اعلى ياقمرها

[ندعوك للتسجيل في المنتدى أو التعريف بنفسك لمعاينة هذا الرابط]




ظروفي عارضتني

كلمات: فهد مطر




ظروفي عارضتني ياغناتي لا اخذك وياي

عيوني هلت دموع ٍ فراقك هو سبب فيها
ياحبي ودي بأخذك بعادك هم يامشفاي
مناة النفس ياعمري بكل درب ٍ تخاويها
خلا الدنيا بدونك لو جميع الناس في دنياي
وبحضورك ولو غابوا اعيش احلى امانيها
ياورده من احاسيسه تجاهك اعذب من الماي
ياكل الناس بعيوني ياقاصيها ودانيها
لك الله شمعتي انتي بها نوري بها ممشاي
اناظرها بلهفة شوق عسى الله مايطفيها
ياهمس الليل ياغيمة سماي ومروية مضماي
يانجم ٍ ما افل في ناظري يامن يسليها
جمعت افراح نفسي مع فرحها فيك يامنواي
فرح عمري ولا يسوى ثواني معك اقضيها
الا شفتك حبيبي في نهاري طاب لي ممساي
والا شفتك بليله عشت لي عامين بهانيها
تناديني عيونك كل غمضه في قمر مسراي
وانا اللي مغرم ٍ فيها قبل لا اوحيت طاريها
سلامي لك من اقصى الروح ياكلي ويا مشهاي
سلام ومعك في وصلك حروف ٍ لك ابهديها

[ندعوك للتسجيل في المنتدى أو التعريف بنفسك لمعاينة هذا الرابط]



ارم النعل

كلمات: الامير عبدالله بن رشيد




ارم النعل لمغيزل العين ياحسين

واقطع لها من ردن ثوبك ليانه
ياحسين والله مالها سبت رجلين
ياحسين شيّب بالضمير اهكعانه (اهتسعانه)
جنّب حفاه القاع واتبع بها اللين
واقصر خطى رجليك وامش مشيانه
وان شلتها ياحسين تر ما بها شين
حيث الخوي ياحسين مثل الامانه
مايستشك ياحسين كود الرديين
والا ترى الطيب وسيع ٍ بطانه

[ندعوك للتسجيل في المنتدى أو التعريف بنفسك لمعاينة هذا الرابط]


ما اجاملك

كلمات: شاعر الامارات جمعه بن نايم




ما اجاملك لاجل اكسب رضاك

ماهوب طبعي ياغناتي
مبداي انا اخلص وانت مبداك
دايم تنور لي حياتي
مبداي احبك موت واهواك
ومبداك تتولع شراتي
مبداي من قلبي انا ابغاك
مبداك تكثر من غلاتي
مبداي احقق لك رواياك
ومبداك تفرح بامنياتي
مبداي اعيش العمر وياك
ومبداك تاخذ من صفاتي
الله رزقني بك وخلاك
ماضي وحاضر ذكرياتي
اعطش وتسقيني بيمناك
اتعب واشوفك لي شفاتي
عسى العمر والروح تفداك
يامالك ٍ قلبي وذاتي
يالله عسى المعبود يرعاك
دعواي حتى في صلاتي

[ندعوك للتسجيل في المنتدى أو التعريف بنفسك لمعاينة هذا الرابط]




اجيبيني

كلمات: فهد مطر




انا مدري وش بقلبي تعاملني بهالاسلوب

طلبتك قول اذا اخطيت ابعرف وش هي زلاتي
ترجيتك تطلبتك لا وارسلت لك مندوب
رجع بعيونه الحسره كأن فيها نهاياتي
ترى عكس الغلا فعلك يدل ان الغلا مسلوب
يدل انك تمللني وانا مليت من ذاتي
غريبه فعلا ً اطباعك تناسيتي لنا مشروب
تذوقنا به انواع المحبه يابداياتي
نسيتي كلمة احبك نسيتي جلسة ٍ بغروب
نسيتي دمعة ٍ لاجلك بقلبي اغلى دمعاتي
ياليتك بس تذكرتي منو فينا بدون عيوب
من الكامل اجيبيني اذا عندك اجابات ِ
تعالي ارجعي يمي كفايه بعد كفايه هروب
تعالي ننهي الالام بضحكاتك وضحكاتي
تعالي نطرد الشيطان قبل حب ٍ جمعنا يذوب
ترى اكبر عمل لابليس اذا انهينا العلاقات ِ


[ندعوك للتسجيل في المنتدى أو التعريف بنفسك لمعاينة هذا الرابط]

ان شاء الله نال رضاكم واعجابكم

العفو الغاليه وشكرا على المرور

العفو سيدي
شرفتني بمرورك

شكرا بنت بلادي على المدح