الوعد

الوعـد كذبـة الكـاذب وصـدق الصـدوق
كـل جـرحٍ سببـه الـكـذب ماينمـحـي


ليـه يابـنت حـوّا تجرحـيـن الخـفـوق
لو جروحـي تفيـدك كـان قلـت اجرحـي


مـا لقـلّ الوفـا بيـن المحبّيـن ســوق
انصحينـي بـدرب الهجـر واستنصـحـي


مـن يمثّـل علـي بـدور خـلٍ صــدوق
يقـدر يجـرّب التمثيـل مـن مسرحـي؟؟


ليه أرجّـع لـك الغلطـه وازيـد الفتـوق
ادري بحكمتـي عنـد الغـضـب تنتـحـي


اعذرينـي تـرا قلبـي كفـتـه الـحـروق
افهمي ..قـدّري لـي موقفـي. واشرحـي


ليه طبعـي أميـن وليـه غيـري سـروق
جاوبينـي بحزنـك.. ولا اقـول.. افرحـي


بين غلطـة خبيـث وبيـن غلطـة خلـوق
ياعقـول العـوارف بالصحيـح افصـحـي


نقبل الغلطـه اللـي مـن خبيـث العـروق
بـس مانقبـل الغلطـه مــن الملتـحـي


أنقل الهمّ .. مثل الناس .. وازعل ... واروق
واتنفّس شعـر .. والشعـر ماهـو وحـي

همّي اكبر ولو صـوت الشعـور مخنـوق
كـان ماقلـت يابنـت القصـيـد إلفـحـي


احسبينـي وهـم بيـن العشـا والغـبـوق
واكسبينـي خسـاره وان خسـرت اربحـي


ودّي أكسـب قلوب النـاس طيبـه وذوق
ميـر بعـض الوجيـه تخـاف ماتستحـي