وطن احساس

وطن احساس
كل اللي أعرفه...
إنه خطفني وأنا أخطفه..
كنت سالي..حتى حاولت أقطفه!
ولولا احتيالي..
طولت ماأقدر أوصفه!
عين تعتقها نظرتك...
تسقط عن أبجديتي..
وموال ما يروى..
تلحن طروبه ترابيتي..
وجرح ماخلف رموشك..
خلفته..
وحرف ما سمعتك تقوله..
في غير نحوي صرفته!..
ماجن..وفغير المقوله..
صدقني..ما صدفته!
كنت أعربد في عيونك..
وأدور لجفني عين..
ما يوافقها اثنين..
ولا يوافقها أحد!
هناك خلف الروزنامة..
زمن مابه علامة..
زمن مابه أحد!
وطن ماينكس أعلامه..
عمر ما هو بأيامه..
عمر ما يوصل لحد!
عمر ما يكتبه إلا عيونك..
فجر لو يرثي عيونك..
أدركني مابعد!
مني..خلالي..وتوصلني
أأصور ظلالي..تكذبني..
أأعثر سؤالي..
أأعيش..ماتأمل خيالي!..
وفي عيونك أشاغب..
واتحاشى لا أخاطب..
فيك المثالي.
واني بدت تتلاعب الساعة بارتجالي..
سكت حتى ظنيتني أخرس
جمعت خوفي تحت المخالب
وراها قلب يشاغب..
ثلاث سنين عالتوالي
شفته يخطفني..وأناأخطفه
كنت سالي..حتى حاولت أقطفه..
مسك أسود,حيل غالي
زينه فضحني وأشهر جلالي..
يعرفني.. وتو ما أعرفه